|
عالمي ڪانفرنس ۾ پاڪ-هند سربراهن ۾ ملاقات جو امڪان |
 |
|
اسلام آباد (آن لائن): پرڏيهي کاتي چيو آهي ته امريڪي صدر
براڪ اوبامه پاران نيوڪلئير سيڪورٽي جي حوالي سان 12 اپريل
تي سڏايل عالمي سربراهي ڪانفرنس دوران پاڪ-ڀارت سربراهن وچ
۾ ملاقات جا امڪان آهن. پرڏيهي کاتي پاران جاري ڪيل پڌرائي
موجب امريڪي صدر پاران نيوڪليئر سيڪيورٽي جي حوالي سان
سڏايل عالمي سربراهي ڪانفرنس 12 اپريل تي واشنگٽن ۾ ٿيندي.
پرڏيهي کاتي موجب عالمي ڪانفرنس دوران پاڪ-ڀارت سربراهن وچ
۾ ملاقات ٿي سگهي ٿي. 25 فيبروري تي پاڪ – ڀارت پرڏيهي
سيڪريٽريز جي نئين دهلي ۾ ٿيل ملاقات ۾ ٻنهي ملڪن جي
لاڳاپن جي حوالي سان ڪا خاص اڳڀرائي نه ٿي سگهي آهي، جنهن
۾ اميد ظاهر ڪئي پئي وڃي ته اپريل مهيني ۾ ٻنهي ملڪن جي
سربراهن وچ ۾ ملاقات ٿي ته ان سان پاڪ – ڀارت لاڳاپن ۾
بهتري اچي سگهي ٿي. |
|
|
|
|
|
|
