|
پاور پلانٽ اڳوڻي حڪومت جي نااهلي قرار، بجلي مهانگي ٿيندي:
سرڪار اشارو ڏئي ڇڏيو |
 |
|
 اسلام آباد (آن لائن): پاڻي ۽ بجلي واري وفاقي وزير راجا
پرويز اشرف قومي اسيمبلي جي اسٽينڊنگ کي ٻڌايو آهي ته
حڪومت بجلي جي في يونٽ تي 3 روپيا سبسڊي ڏئي رهي آهي، اها
واپس وٺڻ سان بجلي وڌيڪ مهانگي ٿيندي، ايم ڊي پيپڪو جو چوڻ
آهي ته رينٽل پاورز پلانٽ مان بجلي نه ڪئي وئي ته 6 ڪروڙ
مسواڙ ضرور ادا ڪرڻي پوندي. اسلام آباد ۾ پاڻي ۽ بجلي بابت
قومي اسيمبلي جي اسٽينڊنگ ڪميٽي جو اجلاس چيئرمين غلام
مصطفيٰ شاهه جي صدارت هيٺ ٿيو، جنهن ۾ ڪميٽي کي رينٽل پاور
پلانٽس بابت بريفنگ ڏني وئي. ايم ڊي پيپڪو ڪميٽي کي ٻڌايو
ته 2006ع ۾ لڳايل بجلي گهرن جي مسواڙ اڃا تائين ادا ڪئي
پئي وڃي، تنهن ڪري بجلي حاصل نه ڪرڻ جي صورت ۾ سموري مسواڙ
ادا ڪرڻي پوندي. ايم ڊي پيپڪو ڪميٽي کي وڌيڪ ٻڌايو ته
رينٽل پاور پلانٽس لوڊشيڊنگ گهٽائڻ جو واحد طريقو آهي،
ايشيائي ترقياتي بينڪ به پنهنجي رپورٽ ۾ 8 گهرن مان بجلي
حاصل ڪرڻ جو چيو آهي. پاڻي ۽ بجلي واري وفاقي سيڪريٽري
ڪميٽي کي ٻڌايو ته جيڪڏهن 3 ڪروڙ ڪيوسڪ فوٽ گيس فراهم ڪئي
وڃي ته بجلي اگهن ۾ واڌ نه ايندي. اجلاس ۾ ڪميٽي جي
چيئرمين پرويز مشرف دور دوران 2006ع ۾ بجلي گهرن بابت ٿيل
معاهدن تي ڇتي تنقيد ڪئي ۽ چيو ته اهي معاهده اڳوڻي حڪومت
جي وڏي نااهلي هئي. |
|
|
|
|
|
|
