|
ٺري ميرواهه: بم ڌماڪي جا 4 زخمي پنوعاقل ڇانوڻي منتقل،
ڪيس داخل، 20 شڪي گرفتار |
 |
|
خيرپور/ٺري ميرواهه/بوزدار وڏا/سيٺارجا (نمائندن وٽان) ٺري
ميرواهه ڀرسان ڳوٺ هنڊياري ۾ حاجي نجم اسلامي جي گهر ۾ ٿيل
بم ڌماڪي جو ڪيس ٺري ميرواهه ٿاڻي تي ايڊيشنل ايس ايڇ او
ٺري ميرواهه شوڪت علي ڪُٻر جي فرياد تي گناهه نمبر 2010/33
نامعلوم ماڻهن خلاف دهشتگردي ايڪٽ تحت داخل ڪيو ويو آهي.
ٺري ميرواهه پوليس مختلف هنڌن تي ڇاپا هڻي منظور، ارشاد،
بگن، ڪانڊيرو، ماڻڪ، فيصل ۽ بخشڻ سميت 20 شڪي ماڻهن کي
گرفتار ڪري ورتو آهي، جڏهن ته واقعي ۾ 4 زخمين جن ۾ فوجي
حمزه، نجم الدين، مسمات ڪمالان ۽ وڌڻ کي نازڪ حالت ۾ پني
عاقل ڇانوڻي جي سي ايم ايڇ ڏانهن منتقل ڪيو ويو آهي.
هنڊياري ۾ ٿيل بم ڌماڪي جي جاچ ۾ ڪا به اڃا تائين اڳڀرائي
نه ٿي آهي. جڏهن ته ڊي پي او خيرپور، ايس ايڇ او ميرواهه
مير امداد ٽالپور صحافين کي ٻڌايو ته هاڻ ڪيس داخل ڪيو ويو
آهي ۽ جاچ جاري آهي. ڊي پي او خيرپور پير محمد شاهه، ايس
پي او ٺري ميرواهه اقبال جمالي جي اڳواڻي ۾ جاچ ٽيم جوڙي
آهي. هوڏانهن اسلامين جي گهرن کي پوليس جو اڃا تائين ڪڙو
برقرار آهي ۽ پوليس چونڪي قائم ڪئي وئي آهي. ٻئي طرف
پنوعاقل ڇانوڻي مان ليفٽيننٽ ڪرنل جي اڳواڻي ۾ ٽيم هنڊياري
پهچي واقعي واري هنڌ جو معائنو ڪيو ۽ ٺري ميرواه پوليس کان
ڄاڻ ورتي. |
|
|
|
|
|
|
