|
پاڪ-هند جنگ نه لڳندي، ٻئي ملڪ ايٽمي بم سمنڊ ۾ ڦٽا ڪن:
ڀارتي اڳوڻو وزير |
 |
|
 ڪراچي (اسٽاف رپورٽر): ڀارت جي حڪمران پارٽي ڪانگريس جي
اڳواڻ ۽ ڀارت جي اڳوڻي وفاقي وزير عزيز قريشي چيو آهي ته
ڀارت جي يونيورسٽين ۽ اسڪولن ۾ هندي ۽ ٻين ٻولين سان گڏ
سنڌي به پڙهائي ويندي آهي ۽ ڀارتي آئين ۾ سنڌي ٻولي کي
مڪمل تحفظ مليل آهي. هندستان جي ورهاڱي بعد مهاتما گانڌيءَ
آخري ڏينهن ڀارت بدران پاڪستان جي لاهور شهر ۾ بسر ڪرڻ ٿي
گهريا. جيئن ڀارت ۾ رهندڙ مسلمانن کي جاني ۽ ٻئي قسم جو
تحفظ ملي سگهي ۽ ڀارت ۾ فوج جو رياستي ڪمن ۾ ڪو به ڪردار
نه آهي ۽ اتي آئيني ڀڃڪڙي ڪندڙ جرنيلن جو ڪورٽ مارشل ڪيو
ويندو آهي، هن اها ڳالهه ڪالهه شام جو روزانهيعوامي آواز
سان خاص ڳالهه ٻولهه ڪندي ۽ ايڇ آر سي پي آفيس م ليڪچر
ڏيندي ڪئي. عزيز قريشي چيو ته مهاتما گانڌي کي دهلي ۾
مسلمانن جي قتل خلاف ڳالهائڻ ۽ پاڪستان کي حصي ۾ آيل 65
ڪروڙ رپيا ڏيڻ واري ڳالهه تي زور ڏيڻ تي انتهاپسند هندن
قتل ڪرايو ۽ وزيراعظم جواهر لعل نهرو بدران سردار پٽيل جو
حڪومت تي وڏو اثر رسوخ ۽ ڪنٽرول هو. هن وڌيڪ چيو ته هن جي
ذاتي راءِ آهي ته پاڪ ۽ ڀارت پنهنجن ائٽمي بمن کي سمنڊ ۾
غرق ڪري هٿيارن جي ڊوڙ بدران اهو پيسو غربت جي خاتمي تي
خرچ ڪن. ڪانگريس اڳواڻ چيو ته ڀارت جي عام ماڻهو جي راءِ
آهي ته پاڪستان خالصتان تحريڪ ۾ سکن جي مدد ڪئي ۽ هاڻي به
ڀارت ۾ دهشتگرد پاڪستان مان اچي رهيا آهن ۽ ڪشمير تي
پاڪستاني قبيلن جي حملن بعد ڪشمير جي مهاراجا ڪشمير کي
ڀارت ۾ شامل ڪرڻ لاءِ چيو هو ۽ ڪشمير مسئلي کي اقوام متحده
جي فيصلي موجب حل ڪرڻ کان اڳ ٻئي ملڪ ڪشمير مان پنهنجون
فوجون هٽائن. عزيز قريشي چيو ته پاڻي جي مسئلي تي پاڪ-ڀارت
جنگ نه لڳندي ۽ ڀارت پاڪستان جو هڪ ڦڙو به پاڻي نه ٿو کڻي
۽ پاڻي مسئلو سنڌ طاس معاهدي تحت حل ٿيڻ گهرجي. هن چيو ته
ڀارت ۾ هندو مذهبي انتهاپسند مخصوص علائقن ۾ اثر رکن ٿا ۽
پاڪستان ۾ به وڌيڪ مذهبي انتهاپسندي موجود آهي. هن هڪ سوال
جي جواب ۾ چيو ته اهو تاثر غلط آهي ته ڀارت آمريڪي لابي جي
اثر هيٺ آهي ۽ ڀارت هميشه آمريڪا جي خواهش جي ابتڙ ڪم ڪيو
آهي ۽ هاڻي به اسان جا روس سان وڌيڪ بهتر تعلقات آهن. |
|
|
|
|
|
|
