|
فلور ملز مالڪن جي 2 لک ٽن ڪڻڪ ايڪسپورٽ ڪرڻ واري درخواست
رد |
 |
|
اسلام آباد(اي پي پي) خوراڪ ۽ زراعت واري وفاقي وزير نذر
محمد گوندل چيو آهي ته ڪڻڪ جي ايڪسپورٽ جو فيصلو حتمي
پيداواري ڪاٿي کان پوءِ ڪيو ويندو. جمعي تي هڪ انٽرويو ۾
هن چيو ته زراعت واري وزارت فلور ملن طرفان 2 لک ٽن ڪڻڪ
ايڪسپورٽ ڪرڻ جي درخواست رد ڪري ڇڏي آهي.آل پاڪستان فلور
ملز ايسوسيئيشن 2 لک ٽن ڪڻڪ افغانستان ايڪسپورٽ ڪرڻ جي
درخواست ڪئي هئي.هڪ سوال جي جواب ۾ هن چيو ته مارچ جي
پڇاڙي تائين ڪڻڪ جي حتمي پيداوار جو ڪاٿو پڌرو ٿي ويندو
جنهن کان پوءِ ئي ڪڻڪ جي ايڪسپورٽ جو فيصلو ٿيندو جيڪو
اپريل ۾ متوقع آهي. |
|
|
|
|
|
|
