|
43 ارب ڊالرن جو نقصان ٿيو، مهانگائي وڌي ويندي: گيلا ني |
 |
|
 اسلام آباد (اي پي پي/ م ڊ) وزيراعظم سيد يوسف رضا گيلاني
چيو آهي ته ٻوڏ سبب ملڪ ۾ ٻه ڪروڙ کان وڌيڪ ماڻهو متاثر
ٿيا آهن ۽ ملڪي معيشت کي مجموعي طور تي 43 ارب ڊالرن جو
نقصان ٿيو آهي. وفاقي ڪابينا جي اجلاس کي خطاب ڪندي
وزيراعظم چيو ته ٻوڏ سبب ملڪ ۾ 12 لک گهر ۽ 10 هزار کان
وڌيڪ اسڪول تباهه ٿيا آهن. وزيراعظم يوسف رضا گيلان وفاقي
ڪابينا کي ٻڌايو ته ٻوڏ سبب ملڪ ۾ هڪ هزار پلون ڊٿيون ۽ 4
هزار ڪلوميٽر تائين روڊ رستا اکڙي ويا آهن. وزيراعظم جو
اهو به چوڻ هو ته ٻوڏ سبب ملڪ ۾ خوراڪ جي سلامتي به خطري ۾
پئجي وئي آهي. ملڪ ۾ زراعت ۽ معيشت کي نقصان رسيوآهي. ٻوڏ
سبب پيپڪو ۽ واپڊا کي 13 ارب رپيا نقصان ٿيو آهي. وزيراعظم
جو چوڻ هو ته ٻوڏ سبب ملڪ ۾ ايندڙ سال به زراعت متاثر
ٿيندي ۽ معيشت جي تباهي سان ملڪ ۾ بيروزگاري ۽ مهانگائي ۾
اضافي جو خدشو آهي. هن وقت تائين سندن فنڊ ۾ 2 ارب رپيا
جمع ٿي چڪا آهن. ٻوڏ سبب ملڪ ۾ ميوون،ڀاڄين، کير ۽گوشت جي
پيداوار متاثر ٿي آهي. |
|
|
|
|
|
|
