19 بدھ , دسمبر 2018

ختم نبوت ترميم جي ذميوارن جي نشاندهي ڪري کين سزا ڏني وڃي: آرمي چيف

اسلام آباد (ويب ڊيسڪ) وزيراعظم جي صدارت هيٺ ٿيل اعليٰ سطحي اجلاس ۾ فيصلو ڪيو ويو آهي ته فوج راڄڌاني ۾ سرڪاري هنڌن جي حفاظت لاءِ مقرر هوندي پر ڌرڻي خلاف آپريشن ۾ حصو نه وٺندي. شاهد خاقان عباسي جي صدارت هيٺ وزيراعظم هائوس ۾ مشاورتي اجلاس ٿيو، جنهن ۾ پنجاب جي وڏي وزير شهباز شريف، گهرو وزير احسن اقبال، آرمي چيف جنرل قمر جاويد باجوا، ڊي جي آءِ ايس آءِ ليفٽيننٽ جنرل نويد مختار ۽ ٻين اعليٰ اختيارين شرڪت ڪئي. وزيراعظم ۽ شرڪت ڪندڙن کي گهرو وزير ڌرڻو هڻندڙن خلاف ڪارروائي، گرفتارين ۽ ملڪ جي اندرين صورتحال جي حوالي سان بريفنگ ڏني. اجلاس ۾ طئي ڪيو ويو ته آرٽيڪل 245 تحت فوج کي طلب ڪيو ويو آهي ۽ پاڪ فوج سرڪاري هنڌن جي حفاظت لاءِ موجود رهندي پر ان جو ڌرڻي خلاف آپريشن سان ڪو واسطو نه هوندو. اجلاس ۾ اتفاق ڪيو ويو ته مظاهرو ڪندڙن کي ڇڙوڇڙ ڪرڻ جي ذميواري پوليس ۽ سول سيڪيورٽي ادارن جي آهي، انتظاميا ۽ ضلعي حڪومت جو ڪم آهي ته اهي ڌرڻي وارن سان ڳالهيون ڪن ۽ کين پرامن طريقي سان ڇڙوڇڙ ڪيو وڃي. اجلاس ۾ آرمي چيف وزيراعظم کي صلاح ڏيندي چيو ته اسان پنهنجي ئي عوام خلاف طاقت جو استعمال نٿا ڪري سگهون، پاڪستاني عوام فوج سان محبت ۽ ان تي اعتماد ڪري ٿو، معمولي فائدن بدلي ان اعتماد کي نقصان نٿو پهچائي سگهجي، ختم نبوت ترميم جي ذميوارن جي نشاندهي ڪري انهن کي سزا ڏيڻ گهرجي، ملڪ ۾ بدامني ۽ انتشار جي صورتحال صحيح ناهي، ڇو ته ان سان سڄي دنيا ۾ پاڪستان جي ساک متاثر ٿيندي. جنرل قمر جاويد باجوا چيو ته اسان کي متحد رهڻو آهي، پاڪ فوج حڪومت جي ماتحت آهي ۽ سونپيل ذميواريون نڀائڻ لاءِ تيار آهي پر سڀني آپريشنز کانپوءِ فوج آخري آپشن هجڻ گهرجي، رياست کي خطرو هجڻ جي صورت ۾ فوج کي گهرائڻ گهرجي. آرمي چيف اها به تجويز ڏني ته اليڪٽرانڪ ميڊيا تي پابندي ختم ڪئي وڃي ۽ رڳو مخصوص حالتن ۾ مختصر مدي لاءِ پابندي لڳائي وڃي، آرمي چيف جي سمورين تجويزن کي شاهد خاقان عباسي ۽ شهباز شريف منظور ڪندي انهن تي عمل جو حڪم ڏنو آهي.27

هي به ڏسي سگهو ٿا

Court likely to reserve verdicts in remaining references against Nawaz today

احتساب عدالت نواز شريف خلاف فيلگ شپ ۽ العزيزيه ريفرنس تي فيصلو محفوظ ڪري ورتو

اسلام آباد ( ويب ڊيسڪ ) احتساب عدالت اڳوڻي وزيراعظم نواز شريف خلاف فليگ شپ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے