17 بدھ , اکتوبر 2018

هيملٽن ٽيسٽ جو ٻيو ڏينهن به ڪيويز جي نانءُ، ويسٽ انڊيز ڏکيائين جو شڪار

هيملٽن (اسپورٽس نيوز) ويسٽ انڊين ڪرڪيٽ ٽيم نيوزيلينڊ خلاف ٻي ٽيسٽ ميچ ۾ به ڏکيائين جو شڪار آهي ۽ ميزبان ٽيم طرفان پهرين اننگز ۾ 373 رنسون ٺاهڻ کانپوءِ ويسٽ انڊين ٽيم 215 رنسن تي 8 وڪيٽون وڃائي چڪي آهي. هيملٽن ۾ جاري سيريز جي ٻي ۽ آخري ٽيسٽ ميچ ۾ ٻئي ڏينهن ڪيوي ٽيم پنهنجي رهيل اننگز 7 وڪيٽن جي نقصان تي 286 رنسن کان شروع ڪئي. ان موقعي تي ٽام بلنڊل، ٽم سائوٿي ۽ ٽرينٽ بولٽ بهترين بيٽنگ جو مظاهرو ڪندي ٽيم جو مجموعي اسڪور 373 تائين پهچائي ڇڏيو. بلنڊل 28 ۽ سائوٿي 31 رنسون ٺاهي آئوٽ ٿيو، جڏهن ته بولٽ 37 رنسون ٺاهي ناٽ آئوٽ موٽيو. ويسٽ انڊيز طرفان شينن گيبريل 4 ۽ ڪيمار روچ 3 وڪيٽو وٺي اڳڀرا رهيا. جواب ۾ ويسٽ انڊين ٽيم جي شروعات سٺي نه رهي ۽ ڪيرن پاول بنا کاتو کولڻ جي پويلين موٽي ويو، جنهن کانپوءِ مهمان ٽيم جون وڪيٽون وقفي وقفي سان ڪرنديون رهيون ۽ ٻئي ڏينهن راند ختم ٿيڻ تائين ويسٽ انڊيز 215 رنسن تي 8 وڪيٽون وڃائي ڇڏيون. ڪپتان ڪريگ بريٿ ويٽ 66 رنسون ٺاهي ٽاپ اسڪورر رهيو، جڏهن ته ٻين رانديگرن ۾ هٽمائر 28، شي هوپ 15، روسٽن چيز 12، ايمبرس 2، ڊورچ 35 ۽ ڪيمار روچ 17 رنسون ٺاهيون. ريمن ريفر 22 ۽ ميگوئل ڪمنز 10 رنسون ٺاهي ڪريز ناٽ آئوٽ رهيا. نيوزيلينڊ طرفان ٽم سائوٿي، ٽرينٽ بولٽ، گرينڊ هوم ۽ نيل ويگنر 2-2 وڪيٽون ورتيون. ويسٽ انڊيز کي ڪيويز جي سرسي ختم ڪرڻ لاءِ وڌيڪ 158 رنسن جي ضرورت آهي. واضح رهي ته پهرين ٽيسٽ ميچ ۾ نيوزيلينڊ جي ٽيم ويسٽ انڊيز کي اننگز ۽ 67 رنسن تان شڪست ڏني هئي.27

هي به ڏسي سگهو ٿا

Fakhar Zaman and Mir Hamza debut as Pakistan bat

ٽيسٽ ڪرڪيٽر بڻجڻ اعزاز آهي: مير حمزا

ابوظهبي( اسپورٽس نيوز ) آسٽريليا خلاف ٽيسٽ ڊيبيو ڪندڙ مير حمزا چيو آهي ته ٽيسٽ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے