13 جمعرات , دسمبر 2018

آرام سان کائو ۽ ٿولهه کان محفوظ رهو

ٽوڪيو (ويب ڊيسڪ) جاچ سان ثابت ٿيو آهي ته آهستي آهستي کاڌو کائيندڙ ماڻهو ٿولهه کان بچل هوندا آهن جڏهن ته تڪڙ ۾ کائيندڙ ماڻهو سولائي سان ٿولهه جو شڪار ٿي ويندا آهن. ان ڳالهه جو انڪشاف جاپان جي مشهور مئگزين ۾ شائع ٿيل هڪ جاچ ۾ ڪيو ويو آهي پنج ورهين تي ٻُڌل اها جاچ 59 هزار 7 سئو ماڻهن تي ڪئي وئي جنهن جو مقصد ماني کائڻ جي انداز ۽ عادت جو ٿولهه تي ٿيندڙ اثر جو مشاهدو ڪرڻو هو. جاچ ذيابيطس جي ٻي قسم جي مرض ۾ مبتلا مريضن تي ڪئي وئي هئي جنهن جي لاءِ مريضن کي ٽي گروپن ۾ تقسيم ڪيو ويو هو. پهريئن گروپ ۾ تڪڙ ڪري کائيندڙ ۽ ٻئين گروپ ۾معمول جي انداز ۾ ۽ ٽئين گروپ ۾ آهستي آهستي کائيندڙ مريضن کي رکيو ويو هو. جاچ دوران ماهرن مريضن جي زندگي جي طريقن، کائڻ پيئڻ جي عادتن۽ دلچسپي جي معاملن، موسم ۽ ٻين بنيادي ڄاڻ بابت سوال پُڇيا، مريضن جي جوابن مان هٿ ٿيل نتيجن کي مرتب ڪرڻ دوران حيران ڪندڙ ڳالهه سامهون آئي ته جلدي کائڻ ۽ درست طريقي سان گِرهه نه چٻاڙيندڙ مريضن مان 45 سيڪڙو ماڻهو ٿولهه جو شڪار ٿي ويا جڏهن ته آهستي آهستي کائيندڙ ماڻهن جي وزن ۾ ڪا به واڌ نه ٿي. جاچ جي بنياد تي ماهرن ٽائپ ٽو ذيابيطس ۾ مبتلا مريضن کي وزن برابر رکڻ جو تجورز ڏنو آهي ڇو ته ذيابيطس جي مرض ۾ ڦاٿل ماڻهو بلڊ پريشر جو شڪار ٿي ويندا آهن جنهن جي ڪري دل ۽ گردي جي ڪارگردگي به متاثر ٿي سگھي ٿي. تنهن هوندي کائڻ جي عادت ۽ طريقي ۾ هاڪاري تبديلي سان گڏوگڏ ڪسرت، وقت تي دوائون کائڻ ۽ پنهنجي اعلاج سان باقاعدي چيڪ اپ ڪرائيندي رهڻ به ضروري آهي، ماهرن جو چوڻ آهي ته ٿ ولهه ڪيترين ئي بيمارين جي پاڙ آهي ۽ ڪيترن ئي ماڻهن ۾ ذيابيطس جي مرض لاءِ خدشو به وڏي ويندو آهي.

هي به ڏسي سگهو ٿا

دنيا جو پهريون 48 ميگا پڪسل ڪئميرا وارو سمارٽ فون

ڪراچي(ويب ڊيسڪ) دنيا جو پهريون 48 ميگا پڪسل ڪئميرا سان ليس سمارٽ فون تمام جلدي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے