20 ہفتہ , اپریل 2019

اتر اوڀرين رياستن ۾ مداخلت ۾ اولهه جي پاڙيسري جو هٿ آهي: ڀارتي آرمي چيف

نئين دهلي ( ويب ڊيسڪ ) ڀارتي آرمي چيف جنرل بپن راوت چيو آهي ته ملڪ جي اترين ۽ اوڀرين رياستن ۾ غير قانوني طور بنگلاديش مان ٿيندڙ مداخلت ۾ اولهه جي پاڙيسري جو هٿ آهي جڏهن ته کيس چين جي حمايت به حاصل آهي. نئين دهلي ۾ ڪانفرنس کي خطاب ڪندي ڀارتي آرمي چيف جنرل بپن راوت چيو ته هاڻي علائقي ۾ آبادي جي تناسب کي تبديل نه ٿو ڪري سگهجي. هن چيو ته علائقي ۾ آل انڊيا يونائيٽيڊ ڊيمو ڪريٽڪ فرنٽ نالي تنظيم آهي جيڪا تيزي سان ترقي ڪري رهي آهي، 1980ع ۾ بي جي پي کان به وڌيڪ تيز اڳتي وڌي رهي آهي. سندس چوڻ هو ته اسان کي سمجهڻ جي ضرورت آهي ته علائقي ۾ جيڪي ماڻهو آباد آهن تن کي بنا فرق جي گڏجي رهڻو آهي ۽ مسئلا پيدا ڪندڙ ماڻهن جي نشاندهي ڪرڻي پوندي. ڀارتي آرمي چيف چيو ته مسلمان 13 هين صدي ۾ آسام ۾ اچڻ شروع ٿيا تنهن ڪري آسمان تي سندن به حق آهي پر اسان کي غير قانوني طور آباد ٿيندڙ ماڻهن جي نشاندهي ڪرڻي پوندي آهي.

هي به ڏسي سگهو ٿا

ملڪي تاريخ ۾ پهريون ڀيرو… عمر ايوب وڏي دعويٰ ڪري ڇڏي

اسلام آباد (ويب ڊيسڪ) توانائي بابت وفاقي وزير عمر ايوب چيو آهي ته پاور ڊويزن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے