15 جمعرات , نومبر 2018

ليڊز ٽيسٽ: پاڪستان جو انگلينڊ خلاف ٽاس کٽي پهريان بيٽنگ ڪرڻ جو فيصلو

Ledger Tests: Pakistan's decision to bat first against Englandليڊز(ويب ڊيسڪ) پاڪستان انگلينڊ جي خلاف 2 ٽيسٽ ميچن تي ٻڌل سريز جي ٻي ۽ آخري ٽيسٽ ميچ ۾ ٽاس کٽي پهريان بيٽنگ ڪرڻ جو فيصلو ڪيو آهي. پاڪستان ليڊز جي هيڊنگلي ڪرڪيٽ اسٽيڊيم ۾ کيڏي ويندڙ ميچ ۾ شڪست ڏئي 22 ورهين بعد سريز پنهنجي نالي ڪرڻ جو خواب نيڻ ۾ سجائي ورتو آهي. پاڪستان ڪرڪيٽ ٽيم جي ڪپتان سرفراز احمد ٽاس کٽي چيو ته ليڊز جي وڪيٽ بيٽنگ لاءِ سازگار نظر اچي رهي آهي ۽ ان مان ڀرپور فائدو حاصل ڪرڻ ڀرپور ڪوشش ڪنداسين. ياد رهي ته قومي ٽيم آخري ڀيرو وسيم اڪرم جي اڳواڻي ۾ 1996 ۾ انگلينڊ ٻه هڪ تان شڪست ڏيندي سريز پنهنجي نالي ڪئي هئي. پاڪستان هن اهم ميچ ۾ نوجوان بيٽسمين عثمان صلاح الدين کي ٽيسٽ ڪيپ ڏني وئي آهي جنهن کي پهرين ميچ ۾ زخمي ٿيندڙ بابر اعظم جي جاءِ تي ٽيم ۾ شامل ڪيو ويو آهي. گذريل 8 مان 6 ٽيسٽ ميچن  ۾ شڪست جو منهن ڏسندڙ انگلش ٽيم پنهنجي بدترين دور مان گذري رهي آهي، جيڪا ميچ ۾ ڪاميابي حاصل ڪري سريز بچائڻ جو مشڪل ترين چيلنج کي منهن ڏئي رهي آهي. انگلينڊ کي گذريل ڇهن مهينن ۾ آسٽريليا جي هٿان ايشز ۾ 4-0 ۽ نيوزيلنڊ جي خلاف ٻڙي  جي مقابلي ۾ هڪ تان شڪست ڏني هئي. جيڪڏهن ليڊز ٽيسٽ ميچ ۾ پاڪستان ڪاميابي حاصل ڪئي ۽ يا ميچ ڊرا ٿي ته انگلش ٽيم جو روٽ جي اڳواڻي ۾ لاڳيتو ٽئين ٽيسٽ سريز هارائيندي. پاڪستان ڪرڪيٽ ٽيم گڏيل عرب امارتن ۾ 13-2012 ۾ انگلينڊ جي خلاف ڪلين سوئپ ڪري چڪي آهي، جيڪڏهن اڄ کان شروع ٿيندڙ ليڊز ٽيسٽ گرين ڪيپس ميزبان ٽيم کي شڪست ڏني ته سرفراز ، مڪي آرٿر ۽ انضمام الحق جي ڪمبينيشن ۾ پاڪستان شاهين ۽ هڪ ٻيو اعزاز پنهنجي نالي ڪري بلندين ڏانهن اڏام ڀريندا.

هي به ڏسي سگهو ٿا

پي سي بي، پي ايس ايل جي ٽائٽل اسپانسر جو باقاعده اعلان ڪري ڇڏيو

لاهور(ويب ڊيسڪ) پاڪستان ڪرڪيٽ بورڊ (پي سي بي) پاڪستان سپر ليگ  (پي ايس ايل) جي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے