22 پیر , اکتوبر 2018

نيب چيئرمين ننديپور پاور پروجيڪٽ ۾ مبينا ڪرپشن جي جاچ جو حڪم ڏئي ڇڏيو

NAB Chairman ordered the investigation of corruption based on Nandipur Power Projectلاهور(ويب ڊيسڪ) نيب چيئرمين ننديپور پاور پروجيڪٽ ۾ مبينا ڪرپشن جي جاچ جو حڪم ڏئي ڇڏيو. 7 جون تي چيف جسٽس جي سربراهي ۾ ننديپور پاور پروجيڪٽ بابت ڪيس جي ٻڌڻي ٿي هئي جنهن ۾ چيف جسٽس ثاقب نثار نيب کي منصوبي ۾ مبينا ڪرپشن جي جاچ جو حڪم ڏنو هو. نجي ٽي وي چينل موجب ننديپور پاور پروجڪيٽ گوجرانوالا کي آئوٽ سورس ڪرڻ ۾ مبينا ڪرپشن جي معاملي تي نيب چيئرمين جسٽس(ر) جاويد اقبال جاچ جو حڪم ڏئي ڇڏيو. نيب طرفان جاري ڪيل پريس رليز ۾ ٻڌايو ويو آهي ته نيب چيئرمين،  ڊائريڪٽر جنرل نيب لاهور کي ان حوالي سان جاچ جو حڪم ڏنو آهي.  ياد رهي ته ننديپور پاور پروجيڪٽ پنجاب ۾ گذريل حڪومتي دور ۾ تعمير ڪيو ويو هو جنهن ذريعي 525 ميگاواٽ بجلي حاصل ڪرڻ جي دعويٰ ڪئي وئي هئي، جڏهن ته مختلف سياسي جماعتن جي طرفان منصوبي ۾ ڪرپشن ڪرڻ جا الزام لڳايا ويا هئا.

هي به ڏسي سگهو ٿا

ڪشمير ۾ ڀارتي فورسز جي ظالماڻين ڪاررواين تي ڳڻتي آهي: پرڏيهي ترجمان

اسلام آباد (ويب ڊيسڪ) پرڏيهي وزارت جي ترجمان والاريل ڪشمير ۾ ڀارتي فورسز جي ظالماڻين …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے