15 جمعرات , نومبر 2018

پ پ جو رنڊڪن باوجود چونڊ سرگرميون جاري رکڻ جو اعلان

لاهور (ويب ڊيسڪ) پ پ جي اعليٰ سطحي اجلاس ۾ فيصلو ڪيو ويو آهي ته سمورين رنڊڪن باوجود چونڊ سرگرميون ڀرپور نموني جاري رکيون وينديون. لاهور ۾ پ پ چيئرمين بلاول ڀٽو زرداري ۽ شريڪ چيئرمين آصف علي زرداري جي صدارت هيٺ پارٽي جو اهم اجلاس ٿيو، جنهن ۾ نيئر بخاري، خورشيد شاهه ۽ اعتزاز احسن سميت ٻين سينيئر اڳواڻن شرڪت ڪئي. اجلاس ۾ بلاول ڀٽو زرداري جي چونڊ سرگرمين ۾ انتظامي رنڊڪن جي مذمت ڪئي وئي ۽ اليڪشن ڪميشن کان مطالبو ڪيو ويو ته انتظاميا طرفان روڪٿام جو نوٽيس ورتو وڃي. ان ڳالهه تي اتفاق ڪيو ويو ته ملتان ۾ پارٽي چيئرمين جي چونڊ مهم ۾ رنڊڪون مذمت جوڳو عمل آهي ۽ پشاور جلسي لاءِ اجازت ڏئي واپس وٺڻ به جمهوري حق جي ابتڙ آهي. پ پ جي اعليٰ قيادت فيصلو ڪيو ته ڪراچي کان شروع ٿيندڙ سفر رنڊڪن باوجود خيبر تائين جاري رهندو.27

هي به ڏسي سگهو ٿا

وڏي هئڻ جي حيثيت سان فواد چوڌري کي صلاحون ڏيندو رهندو آهيان: صدر عارف علوي

اسلام آباد(ويب ڊيسڪ) ملڪ جي صدر عارف علوي جو چوڻ آهي وڏو هئڻ جي حيثيت …