20 منگل , نومبر 2018

رينجرز جون مختلف شهرن ۾ ڪارورايون، 7 جوابدار گرفتار، هٿيار هٿ

Rangers in different cities, 7 suspects arrested, weapons handڪراچي(ويب ڊيسڪ) رينجرز طرفان صوبي جي مختلف شهرن ۾ ڪاروائيون ڪيون ويون جنهن جي نتيجي ۾ 7 جوابدارن کي گرفتار ڪري هٿيارهٿ ڪري ورتا. تفصيل موجب رينجرز ۽ پوليس گڏيل ڪاروائي ڪندي لاڙڪاڻي ضلعي جي تعلقي باقراڻي ۾ انتهائي گهربل جوابدار کي گرفتار ڪري ورتو، ڇاپي دوران جوابدار غلام قادر گرفتار جڏهن ته اعجاز ابڙو ساٿين سميت فرار ٿيڻ ۾ ڪامياب ٿي ويو. رينجرز ترجمان موجب مفرور جوابدار اعجاز ابڙو، قتل، مقابلن ۽ زمينن تي قبضن سميت ٻين سنگين ڏوهن ۾ ملوث آهي، اعجاز ابڙي جي ٺڪاڻي تان وڏي انگ ۾ هٿيار هٿ ڪيا ويا آهن. هٿيارن ۾ ايس ايم جيز، 22 بور رائفل، پسٽل ۽ گوليون شامل آهن. رينجرز ضلعي خيرپور ۾ به اهم ڪاروائي ڪندي جوابدار عرفان کي گرفتار ڪري ورتو، جڏهن ته سندس هڪ ساٿي فرار ٿيڻ ۾ ڪامياب ٿي ويو، هن وٽان مختلف قسمن جا هٿيار ۽ گوليون هٿ ڪيون ويون. رينجرز ترجمان موجب روهڙي جي علائقي سنگرار روڊ تي پڻ ڪاروائي ڪئي وئي، جتان جوابدار صدرالدين کي گرفتار ڪيو ويو، جوابدار وٽان ايس ايم جي، ميگزين ۽ 25 رائونڊ هٿ ڪيا ويا. جڏهن جوابدار وٽان هڪ ڪار، نان ڪسٽم پيڊ ۽ جعلي نمبر پليٽ پڻ هٿ ڪئي وئي. ان کانسواءِ رينجرز ڪراچي جي علائقي گبول ٽائون ۾ ڳجهن اطلاعن تي اهم ڇاپا مار ڪاروائي ڪئي جنهن جي نتيجي ۾ چار منشيات فروشن کي گرفتار ڪيو ويو.

هي به ڏسي سگهو ٿا

Faiz Ahmed Faiz 34th Death Anniversary

انقلاب جا گيت سرجيندڙ شاعر فيض احمد فيض کي وڇڙئي 34 ورهيه وهامي ويا

ڪراچي (رپورٽ ايس ايس ) انقلابي رومانس سان ڀرپور انساني آجپي جا گيت سرجيندڙ شاعر …