17 ہفتہ , نومبر 2018

پنجاب ۾ حڪومت سازي، ن ليگ جو  پ پ بعد ق ليگ سان به رابطو

Contact the PML-N in the Punjab government, PML-Nلاهور(ويب ڊيسڪ) پنجاب ۾ حڪومت سازي لاءِ مسلم ليگ ن ۽ تحريڪ انصاف جي وچ ۾ سخت مقابلو جاري آهي ۽ ٻنهي پارٽين ئي ڪامياب ٿيندڙ پارٽين جي اميدوارن سان رابطا وڌيڪ تيز ڪري ڇڏيا آهن. ووٽن جي حساب سان ن ليگ کي تحريڪ انصاف تي برتري حاصل آهي جڏهن ته پي ٽي آءِ صوبي ۾ حڪومت سازي جو اعلان ڪري چڪي آهي. مسلم ليگ ن هڪ دفعو ٻيهر صوبي ۾ حڪومت ٺاهڻ لاءِ پيپلز پارٽي بعد مسلم ليگ ق سان به رابطو ڪري ورتو، ان سلسلي ۾ سردار اياز صادق ق ليگ جي اڳواڻ چوڌري پرويز الاهي کي فون ڪيو ۽ پنجاب ۾ حڪومت سازي لاءِ مدد گهري. ان موقعي تي پنجاب جي اڳوڻي وڏي وزير چوڌري پرويز الاهي کيس چيو ته هو هن وقت اسلام آباد ۾ آهي انڪري ايندڙ ٻن ڏينهن بعد رابطو ڪيو. ٻئي پاسي ن ليگ جي صدر شهباز شريف پيپلز پارٽي جي اڳواڻ احمد محمود سان ملاقات ڪري کائنس پنجاب ۾ حڪومت ٺاهڻ لاءِ  مدد گهري ورتي. مسلم ليگ ن جي صدر شهباز شريف پيپلز پارٽي جي ڏکڻ پنجاب جي صدر مخدوم احمد محمود سان لاهور ۾ ملاقات ڪئي ۽ کائنس پنجاب ۾ حڪومت ٺاهڻ لاءِ پيپلز پارٽي جي 6 ايم پي ايز جي حمايت گهري.شهباز شريف اڄ خورشيد شاهه سان پڻ ملاقات ڪندو ۽ پنجاب ۾ حڪومت سازي سميت وفاق ۾ ايندڙ حڪمت عملي تي خيالن جي ڏي وٺ ڪئي ويندي. ياد رهي ته پنجاب ۾ مسلم ليگ ن وٽ 129. تحريڪ انصاف 123 ۽ صوبي مان ڪامياب ٿيندڙ آزاد اميدوارن جو انگ 29 آهي جيڪي حڪومت سازي لاءِ اهم ڪردار ادا ڪندا.

هي به ڏسي سگهو ٿا

اعظم سواتي تڪرار: سپريم ڪورٽ جي جوڙيل جي آءِ ٽي رپورٽ مڪمل ڪري ورتي

اسلام آباد (ويب ڊيسڪ ) اعظم سواتي واري معاملي تي قائم ڪيل جي آءِ تي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے