20 منگل , نومبر 2018

سنڌ ڪابينا جي ميمبرن کي وزارتن جو نوٽيفڪيشن جاري

ڪراچي (ويب ڊيسڪ) سنڌ ۾ مختلف کاتن جا قلمدان ڪابينا ميمبرن حوالي ڪيا ويا آهن، جنهن جو سنڌ حڪومت طرفان نوٽيفڪيشن پڻ جاري ڪيو ويو آهي. اڄ سنڌ ڪابينا جي 8 ميمبرن طرفان حلف کڻڻ کانپوءِ کين خاص کاتن جا قلمدان به باقاعدي طور ڏنا ويا. نوٽيفڪيشن موجب عذرا فضل پيچوهو کي صحت ۽ بهبودِ آبادي جو قلمدان ڏنو ويو آهي، جڏهن ته هري رام ڪشوري لال کي 3 شعبا ڏنا ويا آهن، جن ۾ جيل، اقليتي معاملا ۽ سماجي بهبود جو قلمدان شامل آهي. اسماعيل راهو کي زراعت ۽ سپلائز جي وزارت ۽ مير شبير بجاراڻي کي معدنيات جو وزير مقرر ڪيو ويو آهي، ان سان گڏوگڏ مخدوم محبوب الزمان کي روينيو ۽ بحالي جو قلمدان ڏنو ويو آهي. سعد غني کي به 3 کاتا ڏنا ويا آهن، جن ۾ مڪاني ادارا، پبلڪ هيلٿ انجنيئرنگ ۽ ڪچي آبادي شامل آهن، جڏهن ته شهلا رضا عورتن جي حقن بابت وزير هوندي. تعليم، ثقافت، سياحت ۽ قديمي آثارن جي کاتن جو قلمدان سيد سردار علي شاهه وٽ هوندو، جڏهن ته سردار محمد بخش مهر ۽ مرتضيٰ وهاب وڏي وزير جا صلاحڪار هوندا. 27

هي به ڏسي سگهو ٿا

پاڪستان طرفان آءِ ايم ايف جون ڪجهه شرطون مڃڻ کان انڪار، ڳالهيون بنا نتيجي ختم

اسلام آباد (ويب ڊيسڪ ) پاڪستان آءِ ايم ايف ڪجهه مطالبا تسليم ڪرڻ کان انڪار …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے