11 منگل , دسمبر 2018

بيجنگ ۾ ورلڊ روبوٽ ڪانفرنس ۾ ڪيترائي نوان روبوٽ متعارف ڪرايا ويا

Many new robots were introduced in the World Robot Conference in Beijingبيجنگ(ويب ڊيسڪ) چين ۾ چئن ڏينهن واري عالمي روبوٽ ڪانفرنس 2018 جي رنگارنگ پڄاڻي ٿي، جنهن ڪيترائي نوان روبوٽ متعارف ڪرايا ويا جن کي ڏسي ماڻهو دنگ رهجي ويا. ورلڊ روبوٽ ڪانفرنس ۾ جتي رقص ڪندڙ ”ڊانسنگ روبوٽ“ ۽ گيت ڳائيندڙ” روبوٽڪ بينڊ“ آيل مهمانن کي ڀليڪار چيو ته اتي ئي ”ٽيچر روبوٽ“ ٻارن کي حقيقي استاد وانگر پڙهايو ۽ ”ڊاڪٽر روبوٽ“ حاضرين جو طبي معائنو ڪيو،”ويڙهاڪ روبوٽ“ جنگ جي ميدان جا منظر پيش ڪيا ته ”چمڙي روبوٽ“ پنهنجي اُڏام سان ماڻهن کي حيران ڪري ڇڏيو. اهو احوال بيجنگ ۾ 15 کان 19 آگسٽ تائين جاري رهندي ” ورلڊ روبوٽ ڪانفرنس 2018“ جو آهي جنهن جي پڄاڻي ڇنڇر ڏينهن شاندار تقريب سان ٿي. دنيا جي هن انوکي نمائش ۾ 166 مقامي ۽ عالمي ڪمپنين جي 500 کان وڌيڪ تخليقي شين کي نمائش لاءِ پيش ڪيوويو جن جي مداحن تمام گهڻي تعريف ڪئي. رقص ڪندڙ روبوٽن نمائش ۾ شرڪت ڪندڙ کي ڀليڪار چيو ۽ اسٽيج تي وڻندڙ رقص پڻ پيش ڪيو ۽ جڏهن ته هڪ روبوٽ بينڊ پنهنجين ڪمپوز ڪيل ڌنن تي گيت پيش ڪيا. ان بينڊ ۾ موسيقي جا ساز وڄائيندڙ به روبوٽ ئي هئا.اهڙي طرح ڪمپني چمڙي سان مشهابت رکندڙ روبوٽ پڻ متعارف ڪرايو جيڪو تمام تيز رفتار سان اُڏام ڀرڻ جي صلاحيت رکي پيو. ڪانفرنس ۾ ٻارن کي تعليم ڏيندڙ” ٽيچر روبوٽ“  پڻ موجود هو جيڪو ٻارن جي بنيادي تعيلم ۽ لفظن جي ذخيرير ۾ اصافو ڪرڻ ۾ انتهائي اهم ڪردار ادا ڪري سگهي ٿو. اهڙي طرح ”ويڙهاڪ روبوٽ“ پڻ سڀني جي ڌيان جو مرڪز بڻيل رهيوجيڪو مڪو هڻڻ، فائرنگ ڪرڻ ۽ جنگ دوران شروعاتي طبي امداد فراهم ڪرڻ جي صلاحيتن سان مالامال هو. ڪانفرنس ۾ حاضرين لاءِ ذهني ۽ جسماني آزمائش جا مقابلا پڻ رکيا ويا هئا جڏهن ته ڪجهه مقابلن ۾ روبوٽن پڻ حصو ورتو جهن سان مداح تمام گهڻو محفوظ ٿيا، چين روبوٽ ٽيڪنالوجي ۾ پنهنجو سڪو ڄمائڻ لاءِ ڪوششون وٺي رهيو آهي ۽ اها ڪانفرنس ان سلسلي جي هڪ ڪڙي آهي.

هي به ڏسي سگهو ٿا

A bizarre Instagram glitch is the reason your feed is messed up

انسٽاگرام جي فيڊ سروس متاثر، واهيپدارن جي شڪايتن تي ڪمپني جي وضاحت

ڪيليفورنيا ( ويب ڊيسڪ ) جيڪڏهن اوهان به موبائيل فون تي انسٽاگرام ايپ جي هوم …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے