16 منگل , اکتوبر 2018

گڏيل مفادن لاءِ گڏجي ڪم ڪرڻ تي يقين رکون ٿا: شاهه محمود قريشي

دوشنبي(ويب ڊيسڪ) پرڏيهي وزير شاهه محمود قريشي چيو آهي ته پاڪستان شنگهائي سهڪاري تنظيم جي چارٽر جي ڀرپور حمايت ڪري ٿو ڇاڪاڻ ته اسان گڏيل مفادن لاءِ گڏجي ڪم ڪرڻ تي يقين رکون ٿا. شنگهائي سهڪاري تنظيم جي اجلاس کي خطاب ڪندي پرڏيهي وزير شاهه محمود قريشي چيو ته دهشتگردي ۽ علائقائي تڪرار اهم چئلينج آهن، جن سان مقابلو ڪرڻ ضروري آهي، شنگهائي سهڪاري تنظيم خطي ۾ امن قائم ڪرڻ لاءِ اهم پليٽ فارم آهي. گڏيل سهڪار سان گڏيل هدف حاصل ڪرڻ ممڪن آهي.  ان پليٽ فارم ذريعي نه رڳو دهشتگردي جو مقابلو ڪري سگهجي ٿو پر گڏيل واپار کي به هٿي ڏئي سگهجي ٿي. پرڏيهي وزير چيوته  گڏيل مفادن لاءِ گڏجي ڪم ڪرڻ تي يقين رکون ٿا، پاڪستان شنگهائي سهڪاري تنظميم ڪانٽيڪٽ گروپ جي ڀرپور حمايت ڪري ٿو. پاڪستان شنگهائي سهڪاري تنظيم جي ميمبر ملڪن جي وچ ۾ واپاري رابطن تي اهم ڪردار ادا ڪري سگهي ٿو، پاڪستان ۾ گڏيل فائدي جا وڏا موقعا موجود آهن، موجودا حڪومت معاشي ايجنڊا پاڪستاني عوام سميت خطي جي لاءِ به فائديمند آهي، سي پيڪ جي رٿائن جي مڪمل ٿيڻ سان پاڪستان ۽ شنگهائي سهڪاري تنظيم جي ميمبر ملڪن کي وڏا ثمر حاصل ٿيندا. سندس چوڻ هو ته پاڪستان دهشتگردي انتها پسندي خلاف اهم ڪردار ادا ڪيو، افغانستان ۾ امن امان ۽ مضبوطي پاڪستان لاءِ اهم آهي.

هي به ڏسي سگهو ٿا

پاڪستان کان سواءِ خطي ۽ دنيا ۾ امن قائم نٿو ٿي سگهي: ميجر جنرل آصف غفور

لنڊن(ويب ڊيسڪ) پاڪ فوج جي ترجمان ميجر جنرل آصف غفور جو چوڻ آهي ته پاڪستان …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے