21 پیر , جنوری 2019

ڪراچي جي صدر واري علائقي ۾حد دخلين خلاف آپريشن جاري، ٽن ڏينهن جي مهلت

ڪراچي(رپورٽر) صدر ۽ ان جي ڀرپاسي وارن علائقن ۾ حد دخلين خلاف آپريشن ٽئين ڏينهن به جاري رهيو، قبضا ڪيل ماڻهن پاران دڪانن مان سامان ڪڍڻ لاءِ 3 ڏينهن جي مهلت گهري ورتي، صدر ۽ ايمپريس مارڪيٽ جي چوڌاري حد دخلين خلاف آپريشن 3 ڏينهن به جاري رهيو  جنهن ۾ ڪي ايم سي حد دخليون ختم ڪرڻ واري سيل سميت پوليس پڻ حصو ورتو، ان موقعي تي ڪنهن به گڙٻڙ کي منهن ڏيڻ لاءِ پوليس ۽ رينجرز جي وڏي نفري موجود هئي، ايمپريس مارڪيٽ ۽ ٻين علائقن مان حد دخلين کي هٽايو ويو آهي، ايمپريس مارڪيٽ ۽ صدر ۾ حد دخلين کي مڪمل ختم ڪيو ويندو  صدر ۾ هڪ هزار کان وڌيڪ دڪان حد دخلين جي زمري ۾ اچن ٿا ٻئي پاسي آپريشن سبب ڪيپري سينيما کان صدر ڏي ايندڙ  رستي کي هيوي ٽريفڪ ءِ بند ڪيو ويو، هيوي ٽريفڪ کي ايم اي جناح روڊ تبت سينٽر ۽ ٽاور واري پاسي اماڻيو ويو، ٽريفڪ پوليس موجب پي پي چورنگي کان ڪوريڊور ٿري ۽ صدر ايندڙ روڊ به ٽريفڪ لاءِ بند ڪئي وئي آهي . پي پي چورنگي تان ٽريفڪ کي ايم اي جناح روڊ تي اماڻيو پيو وڃي. جڏهن ته ريگل کان صدر ويندڙ رستو به ٽريفڪ ءِ بند ڪيو ويو آهي.۽ اتان جي ٽريفڪ کي تبت سينٽر موڪليو ويو، ٻئي پاسي صدر جي علائقي مان حددخليون هٽائڻ دوران ڪچرو ميڙڻ وارن ۽ موالين جي جي چاندي ٿي وئي، نڪتل لوهه ميڙي ڪٻاڙين وٽ وڪرو ڪيو پيو وڃي.

هي به ڏسي سگهو ٿا

بلاول کي سياست لاءِ زرداري بدران ڀٽو ٿيڻو پوندو : شيخ رشيد

لاهور (م ڊ) ريلوي واري وزير شيخ رشيد احمد چيو آهي ته مون کي آئين …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے