Awami Awaz A leading news source for Sindhi news, breaking news, business, education, health, arts & culture, politics, sports, entertainment & more.
لاڳاپيل خبرون
گوادر (ويب ڊيسڪ) سعودي عرب جي پيٽروليم ۽ توانائي واري وزير خالد بن عبدالعزيز الفاح چيو آهي ته گوادر ۾ سعودي عرب جي سڀ کان وڏي سيڙپڪاري ٿيندي ۽ گوادر پاڪستان، چين ۽ سعودي عرب جي دوستي جو مثال بڻبو، سعودي عرب جو پيٽروليم ۽ توانائي وارو وزير خالد بن عبدالعزيز الفاح وفد سان گڏ گوادر پهتو، جتي وفاقي وزير غلام سرور ۽ علي زيدي سندن آجيان ڪئي. سعودي وزير چيو ته گوادر پورٽ هڪ اهم خطي ۾ موجود آهي، سعودي عرب جي سڀ کان وڏي سيڙپڪاري گوادر ۾ ٿيندي ۽ گوادر پاڪستان، چين ۽ سعودي عرب جي دوستي جو مثال بڻبو. خالد بن عبدالعزيز چيو ته پاڪستان ۽ سعودي عرب خطي ۾ امن لاءِ اهم آهي. ٻئي پاسي پيٽروليم وزير غلام سرور چيو آهي ته سعودي جي شموليت سان سي پيڪ جي اهميت وڌي آهي، ايگريڪلچر جي شعبي ۾ وڏي سيڙپڪاري جي گنجائش آهي، سعودي عرب ايگريڪلچر جي شعبي ۾ سيڙپڪاري ڪري. هن چيو ته گوادر ۾ آئل سٽي کي قائم ڪرڻ لاءِ ايندڙ مهيني معهاهدي تي صحيحون ٿينديون.
