آسڪر ايوارڊ يافته اداڪار مورگن جي طبيعت ۾ سڌارو اچڻ لڳو
نيويارڪ
(شوبز نيوز) آمريڪا ۾ حادثي ۾ زخمي ٿيل آسڪر ايوارڊ يافته اداڪار مورگن فري مين
جو لاڳيتو ساڍن چئن ڪلاڪن تائين آپريشن ٿيڻ بعد سندس طبيعت بهتر ٻڌائي پئي وڃي.
آمريڪا جي چارلسٽن واري علائقي ۾ مورگن فري مين جي ڪار سان حادثو پيش اچڻ سبب
سندس کاٻي ٻانهن ڀڄي پئي هئي ۽ سندس جسم جي ٻين حصن تي کيس زخم رسيا هئا. مورگن
فري مين جي ڪار سان حادثي بعد هيليڪاپٽر جي مدد سان کيس مقامي اسپتال ۾ پهچايو
ويو، جتي ساڍا چار ڪلاڪن تائين سندس سرجري ڪئي وئي. اداڪار ڊونالي جو چوڻ آهي
ته مورگن فري مين جي سرجري کانپوءِ سندس طبيعت ۾ بهتري آئي آهي ۽ هن پنهنجي گهر
ڀاتين سان پڻ ملاقات ڪئي آهي.
