16 ہفتہ , فروری 2019

ڪشميرين جي قاتل 5 ڀارتي فوجين جي عمر قيد جي سزا ختم ڪئي وئي

نئين دهلي (ويب ڊيسڪ): ڀارتي فوجي عدالت ڪشميرين کي جعلي مقابلي ۾ شهيد ڪندڙ 5 فوجين جي عمر قيد جي سزا ختم ڪري ڇڏي، آرمڊ فورسز ٽربيونل ڪرنل ۽ ڪيپٽن سميت 5 ڀارتي فوجين جي عمر قيد جي سزا معطل ڪري ڇڏي آهي، انهن فوجين جي وڪيل ميجر رٽائرڊ آنند ڪمار ٻڌايو ته هڪ ٻن ڏينهن ۾ انهن کي آزاد ڪيو ويندو، ياد رهي ته 2010 ۾ لائن آف ڪنٽرول ويجهو والاريل ڪشمير جي ضلعي پلوامه جي ڳوٺ مازهل ۾ انهن فوجين 3 بي گناهه ڪشميرين 27 سالن جي شهزاد خان، 19 سالن جي شفيع لون ۽ 20 سالن جي رياض لون کي درانداز قرار ڏئي جعلي مقابلي ۾ شهيد ڪري ڇڏيو هو، 2014 ۾ ڀارتي فوجي عدالت انهن جو ڪورٽ مارسل ڪري عمر قيد جي سزا ٻڌائي، جيڪا والاريل ڪشمير ۾ ڀارتي فوج کي عمر قيد جي سزا ڏيڻ جي پهرين مثال هئي، قاتل فوجين ۾ ڪمانڊر آفيسر ڪرنل ڊي ڪي پٺانيه، ڪپتان اوپيندر سنگهه، صوبيدار ستبير سنگهه، حوالدار دوندرا ڪمار ۽ لانس لائڪ لکمي شامل آهن، اهي فوجي ٽنهي ڪشميري نوجوانن کي نوڪري جو لالچ ڏئي فوجي ڪيمپ تائين وٺي آيا ۽ اتي انهن کي فائرنگ ڪري شهيد ڪري پاڪستاني درانداز هئڻ جو الزام لڳائي ڇڏيو، انهن شهادتن ۾ سڄي وادي ۾ ڇهه مهينن تائين احتجاجي مظاهرا ٿيا هئا، جنهن دوران وڌيڪ ڪشميرين کي شهيد ۽ گرفتار ڪيو ويو.

هي به ڏسي سگهو ٿا

يورپ ايراني جوهري معاهدي تان هٿ کڻي، آمريڪا جو مطالبو

وارسا (ويب ڊيسڪ) آمريڪا جي نائب پرڏيهي وزير مائيڪ پينس يورپي ملڪن کان مطالبو ڪيو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے