21 جمعرات , فروری 2019

مسلم ملڪ اتحاد ذريعي ئي چئلينجن کي منهن ڏئي سگهن ٿا: اسد قيصر

تهران (ويب ڊيسڪ) قومي اسيمبلي جي اسپيڪر اسد قيصر چيو آهي ته مسلم ملڪ اتحاد ذريعي ئي چئلينجن کي منهن ڏئي سگهن ٿا، ايران سان لاڳاپن ۾ وڌيڪ بهتري چاهيون ٿا. اسد قيصر تهران ۾ ايراني هم منصب ڊاڪٽر علي لاريجاني سان ملاقات ڪئي. قومي اسيمبلي جي اسپيڪر چيو ته اسان ايران سان اڳ کان موجود دوستاڻن ۽ ڀائري وارن لاڳاپن کي وڌيڪ مضبوط ڪرڻ چاهيون ٿا، ڊگهن لاڳاپن کي وڌيڪ مستحڪم ڪرڻ لاءِ ٻنهي ملڪن جي پارليامينٽ ميمبرن ۾ رابطن ۾ تيزي آڻڻ ۽ پارلياماني لاڳاپا وڌائڻ جي ضرورت آهي، ٻئي قومون مذهب، تاريخ ۽ ثقافت جي اڻ ٽٽ رشتن سان ٻڌل آهن. هن چيو ته پاڪستان ۽ ايران جا دوست، دشمن ۽ مقصد به ساڳيا آهن، پاڪ – ايران لاڳاپا خطي ۾ امن، سلامتي ۽ خوشحالي لاءِ ضروري آهن. ايراني اسيمبلي جي اسپيڪر علي لاريجاني چيو ته پاڪستان کي پنهنجو ڀائر ملڪ سمجهون ٿا ۽ لاڳاپا مضبوط رکڻ لاءِ مختلف شعبن ۾ سهڪار جا خواهشمند آهيون، ٻئي ملڪ هر ڏکئي وقت هڪٻئي سان گڏ بيٺل نظر آيا.27

هي به ڏسي سگهو ٿا

ڀارتي ڏاڍ تي يورپي پارليامينٽ ۾ به ٿرٿلو….

برسلز (ويب ڊيسڪ) يورپي پارليامينٽ ۾ انساني حقن جي ڪميٽي ڀارت کان والاريل ڪشمير ۾ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے